मुंबई : भारतीय जनता पक्षाच्या देशव्यापी सदस्यता अभियानांतर्गत नाशिक येथील निफाड तालुक्यातील काँग्रेस, राष्ट्रवादी काँग्रेस, महाराष्ट्र नवनिर्माण सेना आणि समता परिषद संघटनेच्या पदाधिकाऱ्यांनी आपल्या कार्यकर्त्यांसह मुंबईत भाजपच्या प्रदेश कार्यालयामध्ये नाशिकचे पालकमंत्री आणि राज्याचे जलसंपदामंत्री गिरीष महाजन यांच्या उपस्थितीत भाजपामध्ये प्रवेश केला.
पंचायत समितीचे उपसभापती गुरूदेव कांदे, राष्ट्रवादी काँग्रेसच्या निफाडच्या महिलाध्यक्ष अश्विनी मोगल, राष्ट्रवादी काँग्रेसचे कार्यकर्ते नामदेव शिंदे, राष्ट्रवादीचे माजी तालुका उपाध्यक्ष हरीश झालटे, मनसेचे माजी जिल्हा सरचिटणीस आशिष फिरोदिया यांच्यासह अनेक कार्यकर्त्यांनी भाजपमध्ये प्रवेश केला.
या वेळी भाजप प्रदेश चिटणीस लक्ष्मणराव सावजी, भाजपचे ज्येष्ठ कार्यकर्ते सुरेशबाबा पाटील, नाशिक ग्रामीण जिल्हाध्यक्ष दादाभाऊ जाधव आणि निफाड तालुकाध्यक्ष संजय वाभळे उपस्थित होते.
